麥浚龍與鄭融及薛凱琪等昨晚錄影《勁歌金曲》，對於被指力追混血女模Janine，Juno大方回應：「今朝有人同我講過，係一笑置之嘅失實報道，我哋合作過，係朋友。（送名貴禮物？）冇送過。」Juno坦承工作以外，曾與Janine私下約會，對方亦曾提及其男友。至於有否情慾SMS？他說：「係呢度過分咗囉！SMS係朋友都會，我都唔會去深究呢件事，根本就冇呢件事。」問到有否跟Janine聯絡？Juno說：「報道出咗之後，佢都有SMS我，我都有講番件事。（對Janine有冇意思？）冇，我哋係朋友。（怕唔怕對方男友有動作？）所以今日講番件事，我哋只係好朋友關係，希望唔好有誤會。」Juno亦趁機重申與阿嬌（鍾欣桐）是好友關係，不希望此事影響對方。

Juno否認送大禮追女仔，亦不希望傳聞影響阿嬌。

鄭融終現歡顏，並表示心情OK。

Janine代澄清

至於Janine亦透過所屬模特兒公司回應說：「冇同Juno拍過拖，我唔覺得佢係人渣，佢冇死纏唔放，冇傳過任何情慾短訊，我哋係普通朋友，佢冇送名貴禮物畀我，佢為人好好，好關心朋友，唔係報道所指嘅人渣！」至於報道中的阿威是否其男友，她表示私人事不作回應。

此外，早前被胸襲非禮的鄭融被問到心情如何時，她說：「OK！」至於會否請假休息，她說：「過埋呢兩日先。」