雖然問題係有啲刁鑽，但最令人跌眼鏡嘅，竟然係讀過大學同去過美國進修嘅方力申，五題都斷估，結果估錯晒！最搞笑係問佢小朋友食乜會聰明啲，佢就阿伯上身咁話：「我估係食豬腦囉！以形補形嘛！」唔知小方係咪食豬腦食到「過咗龍」，搞到「笨豬」咗呢？之後幾題佢都係一頭霧水，第5題以為有啲把握，點知佢答「蛀牙」都未算係正確答案，搞到佢好洩氣咁話：「咁我暫時唔適宜生仔囉！」

陳柏宇	郭穎橋	官恩娜近得醫生男友多，醒目晒！

至於育有一子嘅張繼聰「最叻」，答中1、3、4題，佢話平日照顧囝囝張瞻，有留意育兒健康常識，知道細路仔食胡蘿蔔有助腦部發展，而蜂蜜、雞蛋同花生呢啲比較「具危機性」嘅食物就可免則免。不過，佢以為生雙胞胎只可以靠遺傳，到第5題就同小方一樣「想當然」，以為多食糖只會蛀p:牙同有糖尿病。

而官恩娜識咗個醫生男友，知多咗好多醫學常識，答中第3同第4題。陳柏宇話睇過有關熱力會分解雞蛋內令人敏感物質嘅文章，所以識答一題，郭穎橋都「符碌」撞中第2題。

問題

1. BB同小朋友食乜，有助佢提高智力？

2. 食乜可以令生雙胞胎機會提高？

3. BB可唔可以食蜂蜜呢？

4. 部分小孩子食雞蛋可能會有過敏反應，咁食蛋糕又得唔得呢？

5. 小孩食過量的糖可能會引發咩病？

正確答案

1. 多食鹼性食物，如菜及水果。

2. 多攝取奶類製品。

3. 不可以，因為可能會引致敏感反應。

4. 可以，因為製蛋糕嘅過程中，熱力會改變雞蛋內可能令人產生過敏反應嘅成分。

5. 嗜糖性精神煩躁症。