早前黃伊汶（Emme）出席一個百人「畢業」午宴，原來去年她花了數萬元交學費上期指課程：「做藝人又係公眾人物，好多人識得你，要轉行唔係咁容易，但有啲工作好似炒期指咁，只需要對住部電腦，匿喺屋企就做到，對我係唔錯嘅選擇，所以上年同朋友跟一位期指專家上堂，依家終於學以致用。（轉戰做財女放棄唱歌？）唔係，演藝事業繼續㗎！只係想學多啲嘢，今次我同助手用六位數字小試牛刀，依家每日電腦跟身，我哋兩個人四隻眼睇住，又做足功課，所以唔使擔心。」
實戰數月，Emme已有五位數字斬獲，成績不錯，她開心地說：「搵到錢先可以追求到夢想！（乜嘢夢想？）唱歌係自己最大興趣亦係事業，當然想繼續唱歌出碟啦！」提到拍拖，Emme不心急：「實現夢想緊要啲，最緊要做到自己鍾意嘅事，之前啱啱考咗GIV鑽石鑑證，希望成功Pass啦！」