陳蕊蕊、DaDa、李婷、林婉霞、羅天宇及李豪等昨日在小欖拍攝《四葉草電視電影》（暫名）沙灘戲，劇情講述眾女為球員打氣。兩位女主角DaDa和李婷以沙灘裝上陣，睇頭遠不及穿三點式的陳蕊蕊！擁有34E上圍的陳蕊蕊俯身整理衣服時「胸」湧不已，她否認搶了女主角風頭：「着泳衣係劇情需要，自己平日都好少着三點式，畀人眼眼望好尷尬，今日都周身唔自然！」

陳蕊蕊一個俯身，盡騷34E身材！	何浩文抱DaDa，展現Man爆魅力。	李婷、郭穎橋及林婉霞以夏日造型到海灘拍攝。

李婷「托臭腳」

DaDa揚言不介意風頭被搶：「唔會去比較身材，最緊要係劇情需要。」明日她將到動漫展出席活動，雖然發生了鄭融被非禮事件，但她並不擔心：「Fans大部分都係識嘅，如果見到啲生面口嘅Fans都會留心啲。」昨日DaDa與傳撻着的羅天宇同場開工，未有因緋聞而疏遠，還有傾有講，她揚言會繼續與羅天宇約會。

另外，李婷飾演足球隊軍醫為球員治理腳傷，不時要為他人「托大腳」：「有次拍嘢幫李豪治理腳傷，佢啱啱踢完波，隻腳又多汗又臭，搞到我成手老泥又核突又臭。（被陳蕊蕊搶風頭？）唔介意，我哋係好姊妹，都係劇情需要，大家走嘅路線唔同。」