身為今屆動漫節大使「動漫女神」的碩之，昨日飛起「冤家」Yumi，偕Melody到會展探望通宵排隊的動漫迷，更自備一箱水慰勞他們！兩人甫出現，動漫迷無不驚訝，她們即走到排前位的動漫迷派水及傾偈。由於現場有50多位動漫迷，所以一箱水不夠派，她們又主動問候大家：「係咪好辛苦？等咗好耐呀？」語畢又體貼地主動與大家握手！動漫迷見女神突然出現，顯得不知所措兼怕醜，當中有動漫迷喜出望外，還拿出兩本閃卡集與偶像分享。

碩之派水給動漫迷，Melody則陪大家傾偈。	碩之（右）與Melody跟動漫迷分享收藏品，看來相當投契。	碩之（左）與Yumi對Figure愛不釋手，十分好奇。

構思動漫節坐轎出場

碩之表示小時候亦有儲閃卡：「我同家姐加埋有成千張！我細個有時連飯都唔食，將啲錢用嚟買閃卡同漫畫，跟住成日喺屋企煲，變咗宅女！（去動漫節？）以前都會同家姐去，為安全起見，唔敢排通宵！」提到今年與戴夢夢、Melody成為動漫節的「動漫女神」，她表示為求有噱頭，現構思由4位猛男抬轎出場：「我諗到時會好震撼！不過又諗到安全問題，驚撞親或跌落嚟，依家仲未定！」

至於Melody則表示最愛睇少女及偵探漫畫：「我覺得啲公仔好靚，以前成日去漫畫舖打書釘！除咗漫畫之外，我都鍾意玩Online Game。﹙試過Cosplay？）冇試過，如果有機會，我想扮美少女戰士或者小忌廉！」