本文重點
書展曲終人散，但一波剛停一波又起，o靚模繼續在明日開鑼的動漫節鬥個你死我活！以Lavina、Rainbow及E Cup Baby為首的《夏之盛放》聯盟，未有官式在書展現身，為挽回頹勢，SONY臨時出招，在動漫節推出絕密寫真，對抗在書展大出「峰」頭的周秀娜！
眼見《夏之盛放》未能在書展成為焦點，SONY即以慈善為名，在動漫節推出88張從未曝光的終極性感電子寫真挽回劣勢，雖作慈善用途，但本報發現那些絕密照意識大膽，除繼續拋胸外，跌膊Lavina與Rainbow還躺在床上做出挑逗性動作，而Rainbow則誘人地咬手指！
除以電子寫真搞噱頭外，Lavina、Rainbow與E Cup Baby劉欣宜也會在動漫節中玩Cosplay，據知，Lavina與「宿敵」E Cup Baby爭扮「不知火舞」一角，挑戰終極性感，但鑑於鄭融被胸襲一事，SONY計劃加派保安作人盯人貼身保護，並派人混入龍友堆了解情況。
搶玩Cosplay冧Fans
SONY負責人表示，是次加印的1千本特別版寫真，扣除經費後，收益全數撥捐女性團體，希望藉此為o靚模洗底！記者昨日致電E Cup Baby，問到會否擔心遇鹹豬手，她說：「我好相信保安，發生呢件事（鄭融事件）後，大家都有所警惕，我亦會小心啲！」她表示當日的Dress Code由大會安排，暫時未知扮演甚麼角色，但問到是否擔心周秀娜與八模兵團分薄市場，她說：「唔會，有競爭先有進步，大家位置唔同，唔可能攞嚟比較。」
另外，Lavina與Rainbow前晚出席首映禮，吸引不少龍友捧場，有Fans更趁機擠入記者席，場面相當混亂！對於被指不滿網民「冇家教」，Lavina表示意思遭曲解：「我接受電台訪問時，只係話自己好細個就冇乜屋企人，冇話過人冇家教，好無辜囉！」她還表示與富家子William已沒有聯絡，並否認有不少「觀音兵」。