女星衣着緊貼潮流，不少女星都迷倒在碎花魅力中，最近謝婷婷及徐淑敏等愛以碎花圖案示人，星級形象指導Ricky說：「着碎花裙畀人好夏天嘅感覺，好適合春夏着，但要注意好容易着到人娘，尤其係鞋，千祈唔好襯尖頭同高踭鞋，襯Platform鞋甚至拖鞋已經好好睇！」劉俐示範碎花襯衣襯淺色熱褲或短裙，展現青春活力：「如果怕碎花襯衣太性感，可以喺入面加件淺色嘅T Shirt或者背心，效果都會好好。」

碎花裙展貴氣碎花長裙 $4,490

Ricky為劉俐襯衫。

大有大着 細有細着

至於碎花長裙，Ricky坦言很難Carry：「除咗長裙之外，其實碎花都宜着細碎花紋，因為大花圖案都易着得人娘同老，但如果好似劉俐咁夠高就冇問題。」碎花長裙穿在身高5呎9吋的劉俐身上，反而能突出其高挑身材，難怪Ricky都大讚效果甚佳！劉俐傳授碎花小Tips：「碎花裙本身已經好搶眼，所以唔使配搭咁多頸鏈、手鏈等飾物，清清哋反而會更好。」想花天花地過春夏？相信大家都有自己的碎花心得了！

Ricky Kwok

入行八年的Ricky（郭慶彬），主力從事廣告形象指導，樂基兒、熊黛林及林心如等都曾獲他執靚形象，他又為鄭欣宜及張可頤等任形象設計，Ricky在銅鑼灣開店，專售英國及日本時裝。