徐子珊昨日穿上連身短裙出席《至Cool至爽夏水禮》活動，腳踏五吋高踭鞋的她笑言一步一驚心，現場與陳敏之、姚子羚合製消暑飲品。同場六位「美味天使」以性感造型在台上又唱又跳，氣氛熱鬧。

穿上五吋高踭鞋的徐子珊，大騷長腿。

姚子羚（左起）、徐子珊和陳敏之合製消暑飲品，顯得有點雞手鴨腳。

徐子珊否認以短裙上陣是與o靚模較量：「唔會，大家唔同市場，我冇佢哋咁犀利，佢哋又有青春呢！五吋高踭鞋都係想畀人覺得較有女人味。」問到有否打底以防走光，她說：「梗係有，都怕(口架)！入面都着咗褲，平時我都會問造型師意見。」她表示稍後會拍攝新一輯護膚品廣告，可能會性感示人，問到會否有刷牙或食雪糕等造型，她說：「會正經啲，唔使呢啲。」

不怕與馬德鐘傳緋聞

同場的陳敏之透露將與多年好友馬德鐘在新劇中飾演情侶，她笑言現實中很難找到與她高度匹配的男友，亦未試過和比她矮的男士拍拖。問到有否親熱鏡頭，她笑言不知道，至於會否擔心傳出緋聞，她說：「唔會，我同佢識咗好多年，以前一齊做模特兒，同佢老婆好熟。」

曾被揭露多張與「男友」激情照片的劉俐（藍莓）表示，已得知是那位朋友流出相片，她說：「係佢貼咗相喺Facebook畀人用咗，依家已經刪除晒，我覺得貼健康嘅都可以，其他就唔好喇！」