身穿Deep V連身長裙的蕭希榆，昨日違反貿發局禁令，在賣書攤位為粉絲簽名，還親民地與Fans合照和握手，對於違規一事，她一臉愕然：「吓！係咩？其實上次已經喺簽名區舉行簽名會，仲超時咗45分鐘都未簽晒！今次好多內地同台灣Fans特登派代表團嚟買我本寫真，真係好開心！（賣咗幾多本？）數字唔清楚，第一版印咗六千本！」問到會否派雪糕或派奶谷書時，她說：「呢啲都係一個消暑方法，不過我驚咁熱啲食物會變壞！」