羅凱珊（Kama）昨日以背心短褲Look出席商場活動，吸引30名龍友到場，對於被質疑在書展派奶的用意，Kama說：「牛奶咁健康，我都唔明點解都有人批評！之前有諗過派波板糖，不過都係覺得牛奶健康啲！」問到寫真集的銷量時，Kama笑笑口表示不清楚，認為賣多少也沒關係：「賣得唔錯！不過今次都係想有多啲Fans可以收藏！（點慶祝？）包晒成家人去泰國旅行！」問到會否與緋聞男友James同行時，她說：「唔會啦！（影到你哋拍拖食飯？）大家係朋友！（有發展機會？）將來先算啦！」
另外，Square昨日亦舉行簽書會，成員Brian與Gary穿上背心大騷肌肉，Gary更脫去背心晒胸肌，不過火辣場面卻被兩名駐場保安叫停，要求他立即穿衣，Gary見狀惟有尷尬「收肌」。問到被拍到與Kama拍拖食飯一事，James說：「因為慶祝佢本寫真加印，所以先食飯，都係朋友啫！（有發展機會？）都有！佢係一個好女仔！」
