最近o靚模紛紛在書展推出寫真，雖然成為熱話，但不少被嘲冇內涵又不夠高，一味只懂拋胸，一反傳統模特兒的九頭身黃金比例！身為名模Lisa S.男友的吳彥祖及o靚模Baby緋聞男友的William，前晚於新片《竊聽風雲》電影上狹路相逢，兩男分別為女友狂出口術，他們各為其主，William更不惜為Baby講大話！

問到最近o靚模崛起，對Lisa可有影響？吳彥祖即力保女友飯碗說：「冇喎！根本係兩類嘢，有啲o靚模有高度問題，行唔到Catwalk！」問到Baby可行到天橋？William即面色一沉，令吳彥祖更茫然，看來他不知Baby是何人！為護女友，William竟衝口而出：「佢仲高過你呀！」此話一出，令原本只得168cm高的Baby，變相高過身高186cm的吳彥祖！吳彥祖似乎被嚇窒，竟信以為真說：「咁就行得喇！」對於o靚模派奶及派雪糕，吳彥祖說：「可能佢哋年紀細，好易肚餓啦！」

粉絲出口又出手撐場，幾乎嚇到Baby滴汗！

放大圖片

另一方面，Baby昨日於書展搞簽名會，吸引逾200粉絲撐場！她在保鏢陪同下到場，狀甚風騷，更走過古巨基攤位交換新書，基仔亦不禁輕搭Baby玉臂，還作狀伸脷！Baby於簽名會有求必應，事後更女王出巡般到攤位探班，大會即多派3名工作人員護航。對於「死敵」周秀娜搞送吻會，Baby揚言不會效法，也不太接受送吻：「我本書好好賣，已經加印1萬本，唔使咁做！（前日喺中環避開周秀娜？）因為身邊多記者，唔想搞是非啫！總之佢都係靚女！」她更揚言要掀起炒風，希望寫真集愈炒愈貴。

Baby所到之處逼滿粉絲，需出動保安全程護航。

Baby用基仔的IQ書掩面，名副其實撐到上面！

Lisa寸周秀娜騷胸好悶

而Lisa昨日與Ana R.出席另一活動時，對　模的寫真熱不以為然：「今年書展真係好多寫真！我冇身材，性感唔起，應該夠18歲先可以去書展！（有冇睇周秀娜本寫真？）冇呀！係咪一本好悶嘅書？有胸唔怕騷，我就冇喇！」