02/07/2009

播放本新聞相關短片

爆炸堂:Rosemary法國出碟 避戰(口靚)模

依家(口靚)模輩出,啲名模個個冇晒影,冇計啦!個個後生又有前有後,當然受歡迎啦!啲名模咪惟有另謀出路囉!好似近排甚少露面嘅Rosemary,原來專心發展緊佢嘅音樂事業。

早幾日小小So見到Rosemary,佢話即將喺自己家鄉法國推出CD,唔怪得佢成日要飛巴黎啦!講起佢隻CD,Rosemary鬼咁興奮話:「之前喺香港出咗第一隻CD,依家喺法國推出一隻,我係法國人,但住喺香港,好開心能夠喺兩個地方出到唱片。」小小So笑佢咁忙咪冇時間拍拖?佢即刻話已經冇拍拖一年,好享受單身,有時間寧願陪吓屋企人,早排仲陪媽咪去旅行添,佢話:「早前母親節先同媽咪去咗北京之嘛,不過上飛機遇到有人發燒,航空公司即刻安排咗好多着晒保護衣嘅人嚟消毒,好大陣仗!」