02/07/2009

播放本新聞相關短片

伍詠薇獲老公承諾愛多幾十年

伍詠薇與老公練海棠前晚豪包餐廳慶祝結婚十周年,與四十多位親友分享喜悅。練海棠自言剛通過十年試用期,承諾會繼續愛很多個十年,認真羨煞旁人!

昨日結婚十周年的伍姑娘與老公,前晚宴請張智霖夫婦、姚嘉妮與陳敏之等四十多位親友一同慶祝,並呼籲好友不要送禮,將禮金捐作慈善用途。伍姑娘與老公一早到場打點,還恩愛地接受訪問。戴着閃爆鑽戒的伍姑娘表示,該鑽戒是二月生日時老公所送。練海棠則表示將這個紀念派對及相冊當作十周年禮物,冧到老婆甜笑說:「我好幸福搵到個咁浪漫嘅老公,佢好照顧我!佢話我父母已經唔喺度,會照顧我一世,令我好感動,但我都會對佢好好!」

靚靚嫌老公唔夠浪漫

練海棠坦言老婆對他沒有太多要求,可做回自己,令他很感動:「我啱啱過咗十年試用期,嚟緊仲有好多個十年,我對佢承諾不變。」他笑言會與朋友分享經歷:「結婚其實唔係入咗『墳墓』。」

與張智霖結婚八年的袁詠儀(靚靚)坦言,看見伍姑娘如此開心,或會效法慶祝十周年,但礙於已有兒子「魔童」,屆時可能會較麻煩。問到對練海棠愛的宣言有何睇法,靚靚不禁大讚:「佢好正㗎!無時無刻都咁浪漫,我老公比起佢就唔夠浪漫!」

直至凌晨零時半,伍姑娘、練海棠與部分親友陸續離開餐廳,靚靚還幫手將禮物放上自己座駕代為車走,而伍姑娘與老公及幾位友人則等候司機到來,然後一同離開。

影視組