經常與Annie G.拍照的攝影師，個個都大讚她很有個性、是個充滿嫵媚的性感女神，但今次她面對一大堆題目就即時被考起，更不時露出皺眉表情，流露出小女孩率真一面。在最貼身的「個人習慣篇」中，問她喜歡穿着甚麼款式的內褲時，她毫不猶豫地說：「我本身好鍾意喱士，所以連內褲都揀有喱士花邊，雖然有啲人覺得『拮肉』，但我覺得性感得嚟又舒服！」充分流露其可愛性格。

放大圖片	Annie毫無保留地自爆私隱，率真一面表露無遺。	Annie最愛喱士內褲，十分性感。

生活習慣題

問：瞓醒係咪一定要洗頭，瞓覺前又係咪一定要洗頭？

答：瞓前一定要洗頭。

問：瞓覺試過流口水同打鼻鼾？

答：梗係有啦，好攰嗰時一定會流口水，不過冇打鼻鼾。

問：着便服、公仔定性感睡衣瞓？

答：鍾意着公仔睡衣瞓覺。

解讀：擁有一把長髮的Annie 說：「因為我啲頭髮又厚又長，加上成日染髮，所以要晚晚洗頭，仲要每晚焗油，等啲頭髮冇咁傷。我最愛米奇同米妮，不過唔會着住佢哋啲衫出街，惟有着住嚟瞓。」

經常以性感造型拍廣告的Annie，原來最愛穿公仔睡衣。	身形瘦削的Annie（右），曾一日食五餐。	Annie自言是個天生購物狂，曾購買萬元衣物。

個人喜好題

問：鍾意着T-Back、高腰定低腰底褲？

答：冇一定，中腰得唔得。

問：着底褲喜歡淨色、卡通圖案、喱士、豹紋定花花？

答：最鍾意着喱士。

問：覺得自己係咪購物狂？

答：以前可能係，依家好番啲。

解讀：原來Annie以前每日都要買東西才安心：「我以前每日唔買嘢唔安樂，試過一日買萬幾蚊，就放晒喺衣櫃冇理到，連牌都冇拆。之後發覺唔對路就逼自己唔買嘢，先好番啲。」

喜好及感情題

問：希望第時結咗婚個老公會畀家用你？

答：當然想，做少奶奶。

問：最討厭嘅男人？

答：唔識尊重女朋友嘅男人。

問：最憎男人有啲咩壞習慣?

答：最憎男人污糟，唔乾淨。

解讀：Annie氣憤地說：「我見過有個男仔好大聲喺街度鬧女仔，我非常討厭呢啲唔識尊重女仔嘅男仔。」問她現在的男友是否有風度時，她甜笑說：「都係呀，仲好孝順添。」

飲食題

問：試過用咩方法減肥？最嚴重減到咩程度？

答：試過最勁一次係一日食一次嘢，下午五點後唔食嘢，一星期勁減10磅。

問：試過一日最多食幾多嘢？最少食幾多嘢？

答：試過一日食五餐，仲要係食飯，可以食勁多。

問：有冇偏食習慣？有咩一定唔會食？

答：好多嘢都食，只得豆腐唔食。

解讀：身為模特兒的Annie G.有次去日本就放肆大吃大喝，肥了10磅回來：「我本身以為食極唔肥，但上次去完日本肥咗10磅，返嚟即刻要勁減。細個聽人講食豆腐唔好，所以冇好感！」