杜麗莎前晚在酒吧開騷，為父親慶祝生日，傅穎、鄭融、鍾鎮濤與林敏驄等到賀，傅穎更送上親手畫的Q版杜爸爸肖像作賀禮。對於劉美君批評時下歌手出碟靠電腦執，傅穎承認用電腦執靚尾音，但對升Key沒有幫助，還揚言學唱歌後唱Live淡定不少：「以前見到多人會作嘔、想喊，好多朋友都覺得我有抑鬱，但隔咗陣就冇事。」
至於林敏驄再否認與港姐張嘉兒的緋聞，還力撐對方非豬扒：「我唔覺得佢係豬扒，綽號唔要得，港姐嚟㗎！（情人眼裏出西施？）佢好過今屆，如果佢係豬扒，今屆係雜扒，乜都有。佢着泳裝幾索，肌肉紮實！（接唔接受到細你二十年嘅女仔？）梗係得，起碼細十幾廿年先興奮！」
