無綫高層樂易玲昨日牛一，前晚特別於中環包場舉行生日會，一班「仔仔女女」紛紛前來預祝，包括陳豪、廖碧兒、佘詩曼、葉翠翠、馬德鐘、林峯、謝天華及吳卓羲等，場面如台慶般熱鬧。早前傳分手的緋聞男女陳豪與廖碧兒前後腳到場，但陳豪到場不久便離開。

高層樂易玲開P慶祝生日，一班無綫藝員當然畀面出席。	緋聞男友鄭嘉穎冇到，佘詩曼（左）即代向樂易玲送上祝賀說話。	樂易玲愛將之一的林峯以輕鬆打扮出席生日會。

嘉穎唔見影

一直是樂小姐「親生仔」的鄭嘉穎卻未見出現，只見其緋聞女友佘詩曼以一身MJ造型現身，更叮囑樂小姐要抽多些時間休息。日前投訴無綫安排藝員工作檔期亂七八糟的秋生亦畀面出席，樂小姐得知後出門恭迎，可見秋生的地位不輕。

日前狂插無綫不是的黃秋生亦畀面出席生日會，樂易玲即上前恭候。	放大圖片	正在拍攝電影的陳法拉手持禮物匆匆到場。

樂小姐透露生日會上已預備數十支烈酒，與來賓飲個痛快，生日願望則希望可以開開心心過日子，更揚言不怕辛苦：「工作多啲嚟密啲手」。對於過去一年，樂小姐表示對林峯開演唱會、謝天華及敖嘉年可以開戲最感高興。當天華得知自己的成績是樂小姐最高興的事情，他即說：「都係樂小姐畀我嘅，所以我都要送番啲成績畀佢。」

不過，當生日會舉行到一半，廖碧兒與郭政鴻已有少少醉意！廖碧兒腳步浮浮，去廁所也要助手扶着走，郭政鴻的醉意更濃，出門口時竟忘記有玻璃門，直行時額頭撞到玻璃門，幸撞擊力不大，沒有發生血案！他即死撐是練武之人，只是在練鐵頭功，場面惹笑。

另外，周汶錡法籍男友Julien與兩位外籍男友人路過會場，見記者拍照時，Julien即閃避入廁所。他見記者一直在門外守候即致電求救，兩友人過來營救，由後門鬆人。