由蔡卓妍（阿Sa）主演的《勁金歌曲》舞台劇今晚公演，昨日阿Sa與一班演員進行綵排，故事內容與許志安及前緋聞女友的「廚房宣言」十分相似，不過阿Sa說：「係咩？我真係冇諗過喎，不過頭先場戲都真係幾浪漫吖！」
她更自爆綵排時頻頻「發台瘟」：「我呢幾日綵排成日講錯自己個名，記性真係好差，不過到真正演出時應該唔會！」又自言近日壓力甚大：「我啲歌迷坐正第一行，但佢哋應承咗我唔會騷擾我，不過我都好驚有人大叫或者電話響，我會好難集中！」問她有否邀請緋聞男友鄭中基捧場，她說：「費事理你！（阿嬌呢？）佢有時間就嚟！」
