近日一批新進Model成為談論焦點，賭王千金何超雲坦言不認識任何(口靚)模，似不把她們放在眼內，一眾(口靚)模即紛紛表態。自信心爆棚的Lavina（鍾蕙芝）反過來寸對方：「可能佢唔多留意本地娛樂新聞，(口靚)模依家係香港新興嘅熱潮，我唔介意佢咁講嘅，因為我係新人，可能我遲啲多咗Job做，佢想唔認識我都唔得，有機會我都想識吓佢。」
Rainbow（胡心諾）說：「其實每個人都有自己唔同嘅特質，各有所長，(口靚)模始終有人欣賞，就算佢唔識我哋，但我哋都有好多Fans！」
「翻版阿Sa」周凱盈（Monique）覺得批評是種動力：「可能(口靚)模啱啱興起，超雲又比較忙，對我哋認識唔深啦！呢個世界冇100%嘅人鍾意你，我希望佢可以多啲留意我哋，就算有人唔鍾意我，我都會當係動力令我努力。」
Yuki（張淑敏）說：「我覺得超雲講得好啱，各花入各眼，佢可能好有自信先會咁講，至於超雲靚唔靚，都係各花入各眼啦！」
「藍莓」劉俐表示不會因此感到不快：「其實(口靚)模個名係人哋畀，我係唔係都唔知，我只知我係個模特兒，喺我心目中(口靚)模同常規嘅模特兒係有分別嘅！」