何家淑女超雲及超蓮，前晚悉心打扮出席《冰河世紀3大威龍駕到》慈善首映，其他出席者包括有份配音的少爺占、李璨琛、陸永、官恩娜（Ella），以及近期Hit爆的　模Lavina（鍾蕙芝）、Rainbow（胡心諾）、Monique（周凱盈）、Yuki（張淑敏）及「藍莓」劉俐等。

超雲（右）行經幾名(口靚)模身旁時，突然掩嘴偷笑，並當她們透明。	超蓮不覺得她的打扮算很性感。	Lavina（左起）、Yuki、Rainbow及Monique，對超雲的言論反應不同。

雖然前晚靚女如雲，不過遲了進場的超雲，仍憑性感打扮及驚人言論成為全晚焦點。問到與(口靚)模年紀相若的超雲是否認識她們？豈料超雲卻反問記者：「咩模？我都唔知咩模？」將「(口靚)模」當「咩模」的超雲，問到覺得她們是否漂亮時，更掩嘴失笑說：「各花入各眼啦！（覺得自己索啲？）梗係！」雖然超雲暗寸嫩模質素不及自己，但她仍表示身形有待改善：「我仲要減肥，最想減係大髀。」

官恩娜（右）表示與陳玉蓮相識日子雖短，但十分投緣。	滿面暗瘡的Rainbow解釋因壓力太大所致。	SoSo姐金句：(口靚)模氾濫真Crazy，何家千金No Eye See！

超雲接受訪問後，在公關安排下與現場的卡通人物合照，可惜「冤家路窄」，碰巧當時幾名(口靚)模正在拍照，與她們相隔只有數個身位的超雲，全程當眼前的(口靚)模透明，只顧與身旁的友人說笑打發時間。而慘遭超雲當成「咩模」的(口靚)模，則繼續神態自若擺甫士。而滿面爆瘡的Rainbow，直認因壓力太大：「可能因為出書再加上就嚟M（月經）到啦！我今日冇乜化妝，我諗化少啲妝應該會好快好番，我唔擔心。」

陳玉蓮撐後生就係靚

至於專誠到場支持Ella的陳玉蓮，則認為嫩模問題不大：「最緊要靚，後生代表靚，冇嘢係唔可以接受嘅，反而我年紀大咗，要諗吓接唔接受到自己。（你怕老？）個個都怕。（會唔會打Botox？）唔使！我鍾意天然，平時連化妝品同護膚品都好少用。」身穿性感大露背裝的Ella，對於與陳玉蓮能在短時間內如此投緣則感到榮幸。

此外，穿上低胸連身裙的超蓮，則在孖生弟弟何猷啟陪同下匆匆入場，問到穿得如此性感會否怕被母親責難？她即驚訝地說：「性感？我都冇着短褲！」