楊秀惠於2004年參加國際華裔小姐，雖然沒有得到任何獎項，但留港發展後即獲無綫器重，她說：「當年只有18、9歲，係一個來自馬拉嘅鄉下妹，平時淨係識讀書，好少睇電視，決定選美只係一時貪玩。」最近(口靚)模在娛樂圈甚為吃香，不少靚女都認為選美不如做(口靚)模，更容易搵快錢，但秀惠卻不以為然：「哈！我唔覺得TVB人工唔高，而且我哋機會好多，留港多年劇集一部接一部、廣告一個接一個，仲可以出騷，機會都好多㗎！」

秀惠認為嫩模主要是以外表吸引人，但提醒後輩內在美同樣重要。	除了拍劇外，楊秀惠亦擔任不少廣告的代言人。	楊秀惠感激無綫給予發展機會。

內在美不可少

楊秀惠表示在選美台上，經常被人評頭品足，這種壓力確實不是人人受得起，她說：「依家啲(口靚)模好多都樣靚身材好，可能佢哋會覺得我咁靚女，做乜要畀人品評？但其實選美同模特兒各屬不同類型，選美嘅女仔大部分都高大啲，而且有學識，只要選擇適合自己嘅路就可以！」

她認為無論做甚麼行業，有外在美之餘，內在美一樣重要：「我都認同(口靚)模外形係好搶眼，因為要被人發掘，外在美係好重要，但如果想長遠發展，個人都要進修吓，呢幾年我喺無綫可以學跳舞同演戲，所以冇後悔參加選美入行，因為真係學到好多嘢！」

新劇做交際花

而楊秀惠最近忙於拍攝新劇《五味人生》，劇中她飾演一名交際花，與有錢闊少梁烈唯經常有親嘴戲，她笑說：「烈唯係第一次拍咀戲，佢同我講話個心跳得好快，連手都震埋。我咪叫佢：『唔使怕，姐姐照顧你。』非常搞笑。」下月秀惠更會返馬來西亞擔任《TVB 8演唱會》司儀，工作忙個不停。