去年龔嘉欣拍攝《點解日本東北咁過祭》特輯時，大部分日本東北的旅遊勝地都遊覽過，她表示最難忘的莫過於是在藏王浸溫泉，並揚言因工作關係更可任影「浴照」，她說：「之前睇過其他人拍攝溫泉特輯，覺得溫泉地區風景好靚，可惜溫泉入面多數唔影得相，所以好開心今次做嘢關係，可以任影唔嬲，喺溫泉留倩影！」她笑言不介意只包着毛巾或穿三點式於溫泉內影相，反而要與他人玉帛相見浸溫泉，會感到少少尷尬。

龔嘉欣遠眺風車兼拍「影後」照。	龔嘉欣笑言向日葵的高度與自己無異，她還在花田間追追逐逐，猶如在卡通片中走入迷宮一樣，玩得不亦樂乎。	在草原上，龔嘉欣與同行好友Vanko（右）齊齊玩健康的「彈彈波」，她表示由於地方夠大，怎樣碌都不怕整親人。

即摘即食水蜜桃

此外，Katie最開心可以親手摘水蜜桃，即摘即食，保證新鮮：「喺福島縣有個水果園，啲水蜜桃已經熟晒，味道好鮮甜，我最享受係即摘即食嘅感覺，好天然清新！」此行她更入鄉隨俗，換上和服參加花笠祭、遊向日葵花田及遠眺風車等，盡興而歸。