本文重點
徐子珊小時候在母親薰陶下愛上跳舞，長大後對運動熱愛並沒減退，反而愛上行山這種既可鍛煉體能，又能舒展身心的運動。雖然工作繁忙，但她一有空閒便相約三五知己遠足，滿足其冒險精神。
日前，徐子珊孭着背囊、手持地圖及水樽單人匹馬到西貢行山，上山前她特別走到欄杆前拉筋做熱身，然後大步大步行上山，沿途一邊欣賞風景，一邊深呼吸大自然空氣，她坦言心情立即變得舒暢。
難忘巴塞隆拿「冒險」
問到為何愛上行山？她說：「我有班好鍾意做運動嘅朋友，每次都係佢哋帶我去，久而久之就愛上咗，我本身又比較男仔頭，好享受行山，覺得好似去冒險咁，最難忘係有年去巴塞隆拿不斷上山落山又經過啲民居，風景好靚，好好玩！」談到最難忘行山經驗，她笑說：「記得有一年同同學去行山同露營，第二朝起身見到啲牛食緊我哋啲杯麵，搞到我哋嗰朝冇早餐食！」
徐子珊又透露小時候與同學玩野外定向，由於用山水煮食，令她腸胃不適，最後惟有頂硬上：「我第一日開始唔舒服，但又唔想放棄，所以頂到最後，返到市區第一時間去睇醫生！」