28/06/2009

播放本新聞相關短片

林一峰開騷推介天籟之音

林一峰一連四場的《山谷裡的一峰音樂會》前晚揭開序幕，吸引黃耀明、at17等捧場。一峰特別請來北京民謠樂隊「小娟與山谷裡的居民」同台表演，一峰大讚小娟的歌聲驚為天人：「兩年前喺北京聽佢哋嘅演唱會，覺得好幸福，小娟嘅歌聲令我好似突然離開世界咁，好似天籟之聲！」問到小娟是否比靚聲天后Sarah Brightman更厲害？一峰指二人屬不同類別，又比喻指如果Sarah是油畫，小娟就是山水畫。他又直言等了兩年才可與小娟合作亦很值得：「佢哋第一次嚟香港，平日都喺內地表演，不食人間煙火㗎！淨係食花食草㗎咋！」
黃耀明專誠來欣賞林一峰，但未有接受訪問便匆匆入場。
  • 黃耀明專誠來欣賞林一峰，但未有接受訪問便匆匆入場。