年僅23歲的黃長發與「鞋王」鄧劍群39歲三奶李姿霆的姊弟戀維持了半年，本月初長發難忍Karen太黐身而主動提出分手，但女方卻不斷向傳媒數臭長發，一直啞忍的他，因受不了Karen窮追猛打，早前終肯開腔反擊，並表示兩人再見不是朋友。

甩拖後的黃長發，找契媽High Tea解悶，並由契媽找數。

行完商場，黃長發即跟契媽返回她的寓所。

昨午約3時半，記者在九龍圓方商場發現戴上黑色Cap帽、穿黑色T恤的長發，孭着背囊獨自行進一間西餐廳，會合早已在內等候的契媽Christine。兩人坐近窗口位置，期間見他們有說有笑，逗留約一小時後，由契媽負責埋單。二人其後到附近一間電器影音連鎖店，先往睇手提電腦，再往櫃枱選購手提電話，期間只見Christine不停向店員查詢電話功能，長發則全程在旁給予意見。約一小時後，Christine終扑錘買下其中一部新款手提電話，她自行簽帳後，長發即為契媽將手機放入自己背囊，然後雙雙離開商場，一同返回契媽位於商場附近的擎天半島寓所。

曹敏莉撐乖仔

另外，曹敏莉昨日出席一個脫毛產品活動時自爆，自小腳毛茂盛，曾偷父親的鬚刨來剃腳毛。提到緋聞男友黃長興弟弟黃長發與三奶分手一事，她說：「如果佢哋真係有問題，分手都係好事。（有報道指長發貪錢？）我識咗佢兩年，覺得佢係一個好乖仔、好簡單嘅男仔，相信係報道誇張。」她又表示近來甚少與黃長興聯絡，問到是否已分手，她說：「一直都係朋友、同事關係。」

文、攝：追蹤組