我覺得好愕然同可惜！我哋年代第一位就係麥當娜，第二位一定係MJ！佢每個MV都好好睇，我叫咗喺英國讀書嘅細佬幫我買飛，點知買唔到，仲諗住買黃牛飛，依家唔使啦！
泳兒安撫歌迷
聽到呢個消息真係好唔開心！我雖然唔算忠實歌迷，但我覺得MJ係一個傳奇，突然離開真係好可惜，希望佢嘅歌迷唔好太傷心！
陳志雲唱盡經典
MJ死之前一晚，我同班音樂製作人食飯，仲傾開邊個有興趣搞MJ嚟香港！點知第二日一早就收到佢嘅死訊！其實當年我考入香港電台做DJ時，都係用佢首《Beat It》夾歌，好經典㗎！
徐子珊難以置信
唔敢相信！一生人應該睇佢一次演唱會，但我就冇機會！惟有搜購佢嘅VCD！好多人跳舞都會加入佢嘅元素，但冇人可以代替佢！」
詩雅無人能及
我細個時喺屋企睇電視，見到MJ跳勁舞亦有樣學樣！不過點跳都跳得唔靚同唔似佢，可能因為我跳舞一向唔叻！