28/06/2009

播放本新聞相關短片

郭富城讚舞台王者空前絕後

郭富城的唯一偶像米高積遜(MJ)日前猝逝,城城昨日大讚MJ是真正舞台王者,更以「前無古人,後無來者」來形容其不可代替的地位,他又坦言對偶像的離去感傷心及難過。

郭富城昨日以台灣聽障奧運國際代言人身份出席活動,宣傳八月一日及二日在當地舉行的演唱會。對於偶像MJ未能如期在倫敦開騷,他表示相當可惜。他又表示這兩天放工回家後,電視均不斷重播MJ的經典作品,令他勾起不少回憶:「留下好深刻嘅印象,好傷心同難過!」

城城透露95年曾飛往台灣高雄欣賞MJ演唱會:「佢着住金色衫上台,感受到佢嘅力量!佢先係真正舞台王者,無人能及!(你係本地MJ?)每個歌手有成功一面同特質!」問到八月的個唱會否增設悼念MJ的環節?他說:「未有定案,但有呢個方向!我會同工作人員提議,因為MJ係我唯一嘅偶像!」

Lynn被新片造型嚇親

此外,城城的緋聞女友熊黛林(Lynn),前晚身穿Dior低胸花裙出席傢俬店Rimadesio開幕。問到上次搬屋時,城城有否送傢俬,她說:「冇!係我同朋友買!」再問到城城的家居布置是否很有品味時,經常被拍得拜訪男方寓所的她,則不好意思地點頭。對於早前與城城齊齊出席上海電影節,Lynn說:「只係見到一眼,打個招呼,之後都冇一齊食飯!」不過她亦激讚城城在電影《殺人犯》的造型:「如果唔講,我認唔出係佢!完全唔似佢,好得人驚,呢部戲一定好睇!(心痛?)唔會!係一個突破!我得閒會同成班公司嘅人去睇。」問到她可會接拍醜女角色,Lynn笑言若導演信任,她不介意破壞靚女形象。

音樂組