本文重點
鍾欣桐（阿嬌）將於八月參演舞台劇《星爸亞爸》，跟資深舞台劇演員陳淑儀及邵美君合作大放笑彈。一向性格斯文的阿嬌對演出信心十足，更笑言：「其實我本身都幾搞笑！」
阿嬌久休復出後首項重頭工作，就是由英皇投資6位數字的舞台喜劇《星爸亞爸》，面對兩位舞台劇界的高手陳淑儀及邵美君，首度踏上演藝學院舞台的阿嬌坦言心情難免緊張，今次罕有地演繹爆笑喜劇，一向斯斯文文的她竟然信心爆棚地說：「其實我本身都幾搞笑，但我唔會表露出嚟畀大家睇，我同熟人先搞笑，唔熟會好怪，人哋以為我係傻㗎！」雖然阿嬌跟這位「哎吔阿爸」初次見面，但陳淑儀對阿嬌的印象不俗，他說：「未正式排戲，第一印象好含蓄，可以活潑啲，但百厭就要啲時間發揮，我睇過阿嬌電影，對佢嘅演技好有信心。（有咩提點阿嬌？）玩囉！愈認真就愈易『賴』嘢。」
諗計整蠱阿爸
距離公演期8月27至30日還有接近兩個月的時間綵排，導演李國威特別為阿嬌打氣：「阿嬌好着數，之前唱歌見慣觀眾，有晒經驗。」阿嬌坦言希望兩個月內盡快跟演員混熟，容易投入角色，入行多年的她說：「台下十年功，到時點怯場都有個譜啩！最怕係『爸爸』話排戲嗰陣會整蠱我，我一定要諗定計整蠱番佢先，哈哈！」