泳兒（Vincy）前晚舉行《唱泳音樂世界》演唱會，獲同門師兄妹鍾舒漫、關智斌及洪卓立捧場，唱片公司老闆楊受成夫婦、吳雨、霍汶希及劉家昌夫婦亦有到場，至於缺席的古巨基、容祖兒及Twins則送上花籃，粉碎Vincy與公司同事不咬弦的傳聞。

Vincy跳舞受讚賞，令她忍不住落淚。	瞓在床上的泳兒，被男舞蹈員從後吻她。	阿倫擔任嘉賓，大讚泳兒唱得好。

泳兒出場時身穿谷胸騷腿的公主Look，邊唱邊跳，「Big」爆上圍令人窒息！她以「我哋嘅影帝」介紹張家輝出場，家輝笑說：「唔好多謝我，我驚唱得唔好佗衰家！」獻唱時，他心情緊張，雙腳動彈不得，「驚魂甫定」的他口花花說：「估唔到你唱歌好，身材仲好！」令泳兒尷尬地說：「Just OK啦！」

事後家輝坦承緊張：「我成十幾年冇上台唱歌，梗係硬晒啦！（攞影帝驚定唱歌驚？）唱歌驚好多！（再叫你做嘉賓？）公司有叫過我出碟，不過我唔制！」

阿倫負傷撐場

泳兒與海鳴威合唱時，笑指對方是「翻版張家輝」：「對住你，我忘記唔到頭先同家輝合唱嘅畫面！」穿上露背裝的泳兒更與男舞蹈員大跳貼身舞，表現忘我，除在床上舞蹈員從後吻她外，她更主動將對方的頭挨近胸前，令現場氣溫急升！尾聲時Vincy熱淚盈眶感謝工作人員：「從來冇諗過自己識跳舞！」另一嘉賓校長譚詠麟負腳傷上陣，大讚Vincy唱歌打動人心：「好難得，繼續努力！」

對於被指擊敗容祖兒成為老闆楊受成的新寵兒，她說：「係入行以來最傷害嘅一次，我唔會放喺心。」她認為不需要向祖兒解釋：「老闆唔係淨係錫我！」

文：音樂組

攝：司徒國榮