神話Min Woo：今朝收到佢嘅死訊時，內心真係好難過、好遺憾至今未看過佢嘅演出，希望佢得到安息。

田原俊彥視為發展目標

田原俊彥：年少時受MJ影響，並視佢為發展目標。田原昨日在官網多謝偶像，還視這位一代巨星為「最愛」。

青山光司公開合照悼念

日本出位名人青山光司：15年前曾與MJ有一面之緣，昨日得悉偶像噩耗後，隨即在網誌上悼念及公開當年合照。

BoA聞訊傷心欲絕

BoA：我現在非常傷心，希望他得到安息，我會很懷念他……。

張惠妹不捨偶像離去

張惠妹：今日（昨日）排練時聽到噩耗即忍唔住喊晒口，唔捨得心目中嘅神就這樣離去，93及96年佢嚟台灣，我仲喺佢下榻嘅飯店等了一日一夜，當年我都係米高嘅追星族啊！

李玟曾任MJ嘉賓

李玟：好意外！喺99年佢喺韓國開演唱會時，我擔任佢嘅演唱會嘉賓，好榮幸！大家有過一面之緣。

林俊傑懷念音樂巨人

林俊傑：好細個MJ已經係我嘅偶像，上月尾我喺北京演唱會仲模仿佢唱「Beat It」，仲以為佢好似報道咁話病情已經受控，估唔到……佢係我音樂世界裏嘅巨人。」

Theresa一度撲飛睇騷

傅穎（Theresa）：考慮撲飛睇佢七月喺倫敦舉行嘅演唱會，但最終撲唔到，因為全球有太多佢嘅歌迷，聽到佢病逝消息真係好傷心。

任賢齊慨嘆人生無常

好愕然，人生無常，MJ一生充滿傳奇，曾經擁有全世界，但畀全世界圍攻，好感謝佢帶嚟精彩嘅Moonwalk同音樂，呢十年佢唔願面對世界，希望佢安息後到令佢感到快樂嘅世界。

Stephy欣賞唱得跳得

鄧麗欣（Stephy）：「好可惜！佢喺舞台上表演係好多人模仿對象，唱得又跳得，依家做唔到七月倫敦演唱會感失望。」