不少年輕偶像將米高奉若神明，其中陳偉霆視米高為超級偶像，昨日得悉噩耗後喊足一朝，他說：「我15歲已經鍾意佢，16歲攞佢嘅歌參加跳舞比賽，贏咗唔少學界跳舞比賽同獎學金，聽到呢個消息好愕然、好唔開心！佢係舞壇偉大嘅領袖，永遠喺歌迷心中。（佢點啟發你跳舞？）佢好畀心機，而且舞步有創意，諗到呢啲動作先係勁！依家好多跳舞歌手都無人能及佢嘅成就，好值得回味！」他珍藏了不少米高的CD Boxset限量版，而最遺憾是未能見偶像一面：「不過，可以同佢活喺同一個世紀，已經覺得好榮幸！」