七小福成立五十周年，三毛、成龍、元彪、元華及元秋等一眾師兄弟妹「故劍重逢」，昨日到海港城出席《七小福五十周年「少年出英雄」相片展覽巡禮》，七小福轉贈50萬元支票予慈善機構，三毛、成龍和元彪更在台上談兒時逸事，談得眉飛色舞。

大師兄元庭（左起）率領洪金寶、成龍、元彪及元華到達會場。	成龍、元彪及洪金寶帶領記者回顧昔日相片。	七小福一行二十多人再度重逢，列隊拍照時甚有氣勢。

最近在橫店趕拍新片的三毛，特意飛返香港出席，雖然舟車勞頓，不過他不覺疲累。對於有指他在七小福年代是一名逃學威龍，三毛說：「係唔係威龍就唔知，但逃學就一定，嗰時生活真係好痛苦，成日畀人打，唔係馬鞭，係藤條逐下逐下打落嚟，不過喺嗰時嘅社會，咁嘅教學方法先行得通。」

元秋（左）向司儀丘凱敏憶述兒時往事。

成龍與師傅于占元於70年代的合照。

思想單純冇追女

成龍是師傅于占元的契仔，他自言當時很多七小福都叫他「御兒乾殿下」，他起初以為享有特權，可是契仔沒有着數，反而別人受罰，自己也要捱打。當元彪被問到是否有很多女仔追求時，他指着三毛和成龍說：「我肯定唔會，因為我最細，係都係我隔籬嗰兩個。」成龍說：「當年最靚仔係洪金寶，不過佢又肥得最快！」在旁的三毛無奈地說：「靚唔靚仔大家有眼睇，不過當年我哋思想單純，錯就錯在太單純。」愈講愈興起的成龍爆三毛當年很霸道，氣得三毛反駁說：「全世界人講嘅嘢都可以聽，除咗佢兩個，呢兩個人冇良心（口架）！」猶如重回少年時代般鬥嘴。

三毛表示今年11月13日是七小福成立正日，大師姐于素秋會從三藩市返港出席晚宴，他又透露幾年前曾探望于素秋。對於被指為人霸道，在旁的元彪即解畫：「佢唔係霸道，只不過係大師兄，要有尊嚴啫！」另外，談到有傳劉嘉玲在《狄仁傑之通天帝國》中墮馬，三毛表示嘉玲的騎馬戲份還未拍，問嘉玲會否因此感到害怕，他說：「唔使驚！」他又指腰傷已好，老婆高麗虹還飛到橫店照顧其起居飲食。