早排方大同孖住張敬軒(軒仔)開騷,聽到小小So暈晒大浪,完騷之後,小小So忍唔住要第一時間走去「直豎拇指」讚吓佢哋!點知呢兩個爛Gag仔,句句爛,真係畀佢哋激死!
小小So:恭喜你哋,唱得好好喎!
軒 仔:你鍾意聽呀?我哋諗住反應好就組成「方張組合」,一齊搞啲嘢!
小小So: 「『慌張』組合」?
大 同:係呀!我同軒仔加埋咪「方張組合」囉!
軒 仔:最開心係我見到有哥哥、姐姐Fans添呀!「方張組合」真係3歲到80歲都鍾意嘅一級組合!
小小So:咁平時張敬軒唔係一級嘅咩?
軒 仔:唔係,我係三級歌手,仲要PG家長指引嗰隻!
軒仔講完都忍唔住爆笑,不過大同竟然毫無反應!小小So寄語軒仔都係返去練吓先,無謂成日掟晒啲Gag落地,搞到成街都係爛Gag呀!