文：影視組

馬詠恩被指於澳洲求學期間曾戀有錢仔。

曾曦寧早前被拍得差遣男友攞手袋。 資料圖片

曾被本報讀者狂數「港女」惡行、貪名牌兼難相處的「是非空姐」(1)曾曦寧（Hilaire），近日被本報拍得「公主病」發，要求男友做「阿四」，除管接管送外，更差遣男友挽女裝手袋。Hilaire昨日到旅行社出席活動時，卻詐傻扮懵反問記者：「咩叫公主病？」經解釋後，她說：「佢自願嘅！佢見個袋重幫我拎啫！佢唔介意！（咁你有冇『港女』特質？）唔覺喎！」

佳麗在北海道首度以泳裝示人，其中身材纖瘦的(5)馬詠恩，被問到會否感到輸蝕時？她說：「我上面冇乜嘢睇，但係可以Sell腰(口架)！」而(9)袁嘉敏則透露近日頻頻做運動Keep Fit：「依家每日都做三、四個鐘頭運動，希望將鬆弛嘅肌肉變番結實！」

馬詠恩曾戀有錢仔

此外，昨日有讀者爆料指馬詠恩在澳洲讀書期間，曾結識一名有錢男友，但因男方要遠赴英國讀書，故只拍拖年半便跟她分手，據知男方其後更曾跟香港某名媛的女兒拍拖。