自Julien偷食曝光後，Kathy及助手的電話一直長響兼接到留言信箱，其前經理人周珍妮則表示不知道二人分手。而張苡澂（Venus）亦指報道出街後失眠兼情緒低落，但昨日本報卻巧遇她與七仙羽於銅鑼灣行街，記者上前追問，二人有問必答，問Venus有否致電Julien？她表示當晚是透過七仙羽識對方，故沒有他的電話，對於被Julien咀爆？她說：「Julien嗰晚好Gentleman，不過我都有推開佢，冇理由黑面！朋友問點解唔一巴打落去？我話點可以，我係一個好有修養嘅女仔！」

張苡澂（左）與風水師七仙羽昨日茶敍，齊齊數臭負心男。	風水師七仙羽指Julien經常問掌相，追問何時發達。 （資料圖片）	Kathy當年與Julien甚恩愛，想不到竟存暗湧！

「爛桃花」感情多波折

七仙羽則表示曾問Julien是否有個模特兒女朋友，但對方只說：「時好時壞，試過分開又復合，根本唔開心！我聽朋友講佢哋分咗手！」她又爆對方經常要求她睇手相，又追問她何時發達：「佢隻手唔軟又唔硬，係花弗型！就算冇Venus，佢同Kathy遲早都散，我睇過佢個相，佢好貪新鮮，唔可以長期對住一個，亦好難對伴侶忠誠！」她又指Kathy經常遇上「爛桃花」，感情方面會多波折。

對於Kathy因此跟Julien分手，Venus慨嘆：「如果因為我而分手，我良心真係過意唔去，但可以令Kathy認清呢個人都係好事！」問到可擔心被指狐狸精？她說：「唔好搞到我好似搶人男朋友咁，我冇同過佢拍拖！」她聲言不擔心跟Kathy碰面尷尬！她前日凌晨更新一篇以「地獄的吶喊」為題的網誌，表示這數天心情跌到谷底：「周小姐（Kathy）是受害者，我更無辜呀，請大家高抬貴手讓一切平息吧！」另外，Julien在太古廣場開設的珠寶店Pianegonda已結業。