文：音樂組　攝：謝國華

Kay親手幫男歌迷敷面膜，令他受寵若驚。	司儀森美（右一）要求Kay（右二）重演獻吻一幕，又與Fans玩遊戲。	放大圖片

謝安琪（Kay）成為屈臣氏首位代言人，昨日她在記者會上與歌迷大玩遊戲，Kay親手幫男歌迷敷面膜，男歌迷一臉享受，樂在其中。會上還首播Kay拍攝的全新廣告，除有出浴鏡頭外，Kay還獻出螢幕初吻，不過只是獻給一條魚，故司儀森美要Kay即場重演獻吻一幕，Kay亦大方嘟嘴扮錫金魚，十分搞笑！

慳家潮媽滿意酬勞

事後，記者問Kay有否幫老公張繼聰敷面膜？她笑說：「佢自己識敷啦！佢好講究養生之道㗎！依家應該叫佢張師傅，因為佢得閒會留喺屋企練詠春㗎！（咁佢有冇教囝囝練功？）冇喎！暫時囝囝唔知詠春係乜。（咁你有冇跟佢學？）自己唔係練功嘅料子，因為我都幾怕痛囉！」

對於是次擔任代言人，Kay坦言酬勞滿意，最開心是獲得一張VIP卡，她笑說：「自己成日去屈臣氏買嘢，最多就係買家庭用品，好似魚肝油丸、維他命，呢啲日日都要食，消耗好多，依家反而可以慳番筆。」想不到走紅的Kay，依然是一個慳家的潮媽。