23/06/2009

播放本新聞相關短片

李蘢怡踢腿標汗:我唔係狐人

近年專攻學習跳舞的李蘢怡(Tiffany),練得一身好「舞」功,昨日她以中港澳區代言人身份出席《Skincode 100%健康護膚發布會》,即席表演約兩分鐘的Jazz Dance,更多次晒腿功!在三十多度高溫下,Tiffany穿上密實舞衣,大汗疊細汗: 「上堂時同學都怕企喺我隔籬,我只係大汗,我唔係『狐人』,依家跳舞只會怕腳粗。」

Tiffany早前指嫩模拋胸好廢,問到練舞增值是否證明自己不是廢人,她澄清:「我唔係寸佢哋,我只係話每個人都有過人之處,入行時應該發掘出嚟,否則就浪費時間。(嫩模反擊有青春本錢?)我冇打算隔空罵戰,如果有任何誤會,唔好意思!」其後,Tiffany更與同場的四位美肌天使藍莓劉俐、王宝宝、丁樂鍶、陳蕊蕊及司儀宋熙年,在鬧市派禮物。