黎明（Leon）昨日出席慈善機構周年頒獎禮，前日剛為新片《火龍》拍跳樓戲的他坦言，最近攰到飛起：「喺上海拍完，返嚟香港又拍通宵，之後又返上海打過！」他已知導演會設計高難度動作，拍攝當日亦看過示範影片：「去到現場錢嘉樂仲同我講，一陣個鏡頭好簡單，導演又畀曲奇餅我食！（氹你跳？）冇所謂，做演員只需要配合！」問他有否因此加酬勞？他表示不計較酬勞：「冇理由拍《十月圍城》就打，返到香港就唔打(口架)嘛！」