梁敏儀雖然身材豐滿，但星運平平，但她仍憑着不斷求進的態度得到工作機會。此外，她亦意識到娛樂圈朝不保夕，所以她密謀開寵物店做老闆賣Pet（寵物）！
文：影視組 攝：倪立煌
向來積極進取的梁敏儀（Winnie），由於近年經常到內地登台，令她明白到要有一技傍身，故她於最近數月跟EO2的Osman及Eric學跳舞，難怪拍攝當日身材苗條不少：「我成日返內地登台『搵真銀』，冇理由次次都淨係唱歌，所以要學跳舞裝備自己！她亦明白到做人永遠要有兩手準備，尤其是從事藝人工作：「做藝人可能突然間冇工開，所以我準備同人合資喺西貢開寵物店，兩邊都做！」她又表示現已成熟不少，不再像往時般「橫衝直撞」，要顧及生活，故加深了開舖當老闆的念頭。
靠「打真軍」出位
此外，Winnie早前於電影《金瓶梅II愛的奴隸》中有大膽的裸露演出，問到對其發展可有幫助？她笑說：「直接幫助就冇！不過嗰排內地有雜誌屈我喺片場『打真軍』！令到多咗人識我，所以依家先有咁多機會返去登台！」
Profile
姓 名：梁敏儀（Winnie）
出生日期：3月2日
身 高：172cm
三 圍：34C、25、36
演出經驗：《金瓶梅II愛的奴隸》、《黑勢力》、《熱血青年》及《山狗1999》等。