何鴻燊三太陳婉珍細女何超蓮，剛從英國回港放暑假兼做暑期工，昨日與友人到銅鑼灣Shopping時巧遇記者，纖瘦了的超蓮曬得一身古銅色，她說：「呢隻係Fake Tan，係直接噴上去皮膚，可以維持七日。因為我驚自己曬到一撻撻，但又想要古銅色，咪噴色囉！你哋放心，落雨唔會甩色㗎！」
現場所見，超蓮的鼻子較以前挺直，問到有否整容？她指着鼻子說：「我個鼻好似爸爸，其實你哋由細睇到我大，梗係唔係整容啦！只係我黑咗，睇落去瘦咗啩！」
身穿小背心、熱褲的超蓮，受到途人的注目，她說：「我出門口前，媽咪已經叫我唔好咁着，要着多件褸同加個Tube Top打底，我本來背心入面冇打底，因為太熱，件褸放咗喺架車度。」問她有否拍拖？她即耍手擰頭攬着女友人說：「我冇男友，有朋友陪我咪得囉！」