由Cookies年代，傅穎（Theresa）和Stephy已傳出不和，及後Cookies拆夥各自發展，兩人在唱歌、電影、廣告及出書方面，明爭暗鬥，連帶是非也持續升級，鬥得難分難解！下月22日，她們同日在書展各自舉行簽名會，有傳傅穎的唱片公司宣傳人員，暗中以SMS向歌迷會會長招攬人手，「呼籲」大家捧Stephy，令傅穎變得孤立無援。

鄧麗欣入行以來緋聞及是非不絕。	今年書展不少口靚模出寫真，傅穎（中）卻出繪本散文集做才女。	有指Paco（右）失勢，令傅穎失寵，與Stephy不和升級。

備受「冷落」的傅穎，昨日接受本報訪問時，對傳聞支吾以對，既不承認，也不否認，她只說：「當然希望唔係真，一個人做嘅嘢，唔代表老闆或者公司，有公司同事同我傾過件事，大家有唔同講詞及說法。」傅穎無奈地說：「真定假都好，我冇辦法，我能力做到嘅，就係做好自己，其他嘢控制唔到。」

運程衰到貼地

自嘲是非命的傅穎說：「今年是非冇停過，年初有人批過今年運程仲衰過犯太歲，遇到好多唔好嘅嘢，幾靈呀！真係中晒。（化解？）攝咗太歲，如果唔係仲衰。」她又說：「好在自己承受得住，承受唔到就冇呀！其實今次是非好Minor（輕微），不過好多時就係呢啲是非，引起好多誤會。」傳聞傳出當天，傅穎正與Stephy在成都出席頒獎禮，她們同枱兼有打招呼，但並冇談過此事，她更認為是非不絕，有損兩女形象：「嚟緊我出本書，都有寫同Stephy是非報道。」

談及和Stephy的友情，她隱晦地說：「一路以嚟都係咁，唔係成日見。（是非令友情受考驗？）唔知道，因為我唔可以代佢答。」有指她屬於黃栢高（Paco）黨派，因而失寵？她否認：「Paco仲係負責音樂嘢時，佢有幫旗下所有藝人，根本冇分邊個係愛將。（失寵？）每間公司有自己安排同策略。」她亦否認未獲高層陳輝虹召見？她說「有見過輝虹，大家傾過未來方向，有晒共識。」問到如何解決是非？傅穎抖大氣說：「其實好難搵方法，總之做好自己嘢。」