張栢芝同謝霆鋒嘅金叵羅Lucas，一向精靈可愛勁得人鍾意，栢芝仲成日帶住個仔呢度去、嗰度去，早排栢芝就帶Lucas去海洋公園，實行活動教學，令Lucas親親大自然，有一日小小So都喺樂園撞見栢芝，仲見到佢家姐戴碧芝，雖然佢同栢芝一樣做咗人阿媽，但依然好靚女，唔講唔知佢生咗個女。
做咗人阿媽傾嘅話題自然離唔開湊仔啦！精靈可愛嘅Lucas見到媽咪同姨媽講湊仔經，就好乖咁坐定定喺BB車，一啲都冇扭計，反而碧芝個女就好「活潑」，成日周圍走，搞到Lucas忍唔住回頭望吓表姐搞乜鬼，真係好搞笑！依家有仔萬事足嘅栢芝，原來做咗「師奶」之後，同一般媽咪都冇乜分別，除咗鍾意着鬆身衫褲，仲將手袋鈎住BB車，仲為咗個仔成日諗節目，真係為咗個仔愛心全奉獻！