椋名凜（Rin）身材驕人，但平日的衣着絕不以賣弄身材為主，反而會挑選能凸顯青春氣息的衣服。由於對藍色情有獨鍾，若她見到藍色心頭好，更會二話不說兼不問價錢便「扑錘」購買，她說：「好似呢對鞋咁，我就係鍾意佢藍色，就算齋擺喺屋企睇都開心！」
談到今季的大熱Item，Rin認為非身上的橫間水手服莫屬，她說：「着咗個人又精神、又有陽光氣息，最好着去遊船河，咁就又潮又方便喇！至於配搭心得，我覺得一定要襯牛仔熱褲，因為香港太熱，着熱褲夠潮又配合番天氣，哈哈！」她還認為戴帽有其獨特藝術：「我唔明點解個個香港人戴帽都只戴半頂，其實日本個個都成頂笠落個頭度，咁樣唔係潮啲咩？」
美國品牌ZEEMO以售賣懷舊及典雅服飾起家，最受走高貴路線的女士歡迎，價錢亦相當大眾化，而今季的設計亦貫徹其懷舊作風，並加入不少流行元素，包括窩釘、中性及水手服打扮等，不少圈中人如薛凱琪及洪欣等均是捧場客。