陳 霽平（Maria）學習瑜伽已有五、六年，由朋友介紹開始：「朋友叫我試吓，點知一試就愛上咗！」由基本動作到現時輕易做出高難度的撐起動作，學習的原動力全因愛挑戰，Maria說：「因為每次學識一個難度較高嘅動作，又會有更加難嘅等我去學，可以不斷挑戰自己，每次學識都好有成功感！」

有助血液循環

瑜伽能強化曲線美，不少減肥人士趨之若鶩，而Maria指瑜伽不單可收身，更有助血液循環：「做瑜伽可以令身體更柔軟，大大減少受傷機會，仲可以訓練肌肉，但又唔會變到好大隻！」她還指瑜伽有激活功能，繁忙過後可以有助放鬆身心：「做完後會令我有重生嘅感覺，好似脫胎換骨咁！」Maria指瑜伽適合各年齡階層人士，由十多歲到八十多歲都適合鍛煉，老人家更可藉瑜伽強化身心，難怪她對瑜伽狂熱啦！