最近與趙碩之傳不和的32C　模尹蓁晞（Yumi）又惹火頭！Yumi與李彩華（Rain）昨日出席《apm X 第三屆全港父子兵騎牛牛競技賽》時，身穿Bra Top背心及熱褲的Yumi與小童玩騎牛牛，小童父親幫手「上牛」，但小童母親見狀即衝出來幫手，要老公與Yumi保持距離！被搶「峰」頭的Rain也暗寸她說：「佢身材好，依家興嘛！（你都豁出去性感？）應該有矜持，真正嘅男仔會喜歡有矜持嘅女仔，我驚啲BB問『點解個姐姐着成咁』，唔識答！」被寸冇矜持的Yumi則反擊說：「少少性感OK，我青春後生，想騷多啲優點，唔好有邪念。（小童媽咪似呷醋？）如果我係佢，見有性感靚女企喺老公身邊都會衝出嚟！」另外，Yumi自爆趙碩之不滿她日前承認「唔啱傾」，曾跟對方在錄音室吵大鑊：「當時我未開聲要食嘢，佢認為我冇準備，叫同事求其買碗白粥我食，語氣好差，唔知佢係咪M到！」