小小So有次同「分久必合」嘅黃家強同黃貫中（Paul）傾偈，問佢哋做乜「無神神」又好番，仲拍檔喺下個月開騷，家強同阿Paul就明「玩嘢」，話佢兩人互「片」一輪後，打到乜怨氣都冇晒，條氣順咗咪可以做番好朋友囉！
小小So ：你哋點樣好番㗎？
家強 ：係我做主動嘅，有日我Send咗個SMS畀阿Paul叫佢出嚟，佢真係出嚟喎，我哋咪開波互毆，我打到手痛就停，咁大家順咗條氣，唔谷住，咪冇事，好番囉！
Paul ：係呀！打到夠鐘咪停手囉！拳賽都有局數制啦！打完第一局，夠鐘咯，咪停手抖吓囉！
小小So ：咁你哋有冇同對方講對唔住呀？
：梗係冇啦！咁小事，使乜講對唔住呀！
小小So ：講真定講假？
：梗係假啦！做場大龍鳳，乜你都信呀？
小小So即時被加埋近百歲嘅家強同Paul激到唔知好嬲定好笑。