最近黎明忙於籌備演唱會，但仍閉關健身練氣減肥，拍攝導演林超賢的宣傳短片！前晚黎明到尖沙咀拍攝一場午夜狂奔的宣傳短片，他在晚上約8時半乘七人車抵達現場，並在車廂化妝，其後再與導演及動作指導錢嘉樂研究拍攝場口。據知，林超賢於一個月前已和警方聯絡安排封路措施，但由於該區人流甚多，警方只批准封路1小時。

跑到上氣唔接下氣的黎明，要由旁人攙扶。	黎明忙於準備拍攝，與工作人員研究封路的情況。	黎明（左）跑到腳軟，坐在大廈外休息，林超賢即上前為他打氣。

驚動多名警員

直至9時許，多名警員到場維持秩序及封路，未幾見一臉頹廢Look的黎明，在工作人員陪同下由海防道步行到廣東道。飾演警察的黎明做足熱身運動，應林超賢要求在海港城對開起跑，途經海防道至堪富利士道狂追一名戴帽男子，全程約400多米。

為求拍攝效果更佳，林超賢要求黎明來回跑幾次，搞到他上氣唔接下氣，跑到幾乎嘔白泡，吸引大批途人圍觀。跑到攰時，黎明坐在附近大廈外的石級上休息。拍攝期間突然下起傾盆大雨，林超賢在雨勢收細後，要求黎明在雨中再狂奔1次，整晚共跑了5次之多，可算挑戰體能極限！

事後林超賢在電話中說：「之前同黎明講咗要一口氣跑幾條街，成個足球場咁大，佢仲喺兩個月前開始練體能，事前我都有同劇組人員漏夜試跑過1次，真係幾辛苦！所以我好明白佢要付出嘅體力。」他又透露當晚的製作費高達40萬元。