本文重點
楊洛婷喺馬爾代夫享受日光浴，着比堅尼嘅佢仲曬到心口燶晒，不過佢話冇有怕，最緊要曬出古銅色肌膚。
文：影視組
楊洛婷上星期去咗馬爾代夫卡尼島四日，拍攝無綫明珠台時尚生活節目《Dolce Vita港生活．港享受》。向來鍾意陽光與海灘嘅佢，當然唔會放過任何享受日光浴嘅機會，一到埗就忙裏偷閒，換上比堅尼泳裝曬太陽。
抗拒裸曬
佢話一直都恨有古銅色肌膚，所以一邊曬太陽，一邊搽黑鬼油，唔單止曬到胸前有泳衣印，仲曬燶埋個心口！所以佢話曬完之後，要做番多啲護理。問到點解唔裸曬？佢就話接受唔到：「我覺得有泳衣印嘅感覺仲陽光！」
另外，楊洛婷大讚當地景色怡人，好多女性朋友都話去咗馬爾代夫度蜜月後成功懷孕，所以佢都話將來結婚，要同老公嚟馬爾代夫度蜜月喎！