官恩娜（Ella）、李璨琛、少爺占、陸永及應昌佑前晚到旺角宣傳配音動畫《冰河世紀3大威龍駕到》，吸引大批市民圍觀，場面熱鬧。Ella表示當知道要到旺角工作時，感到十分驚慌：「知道要落旺角，初初都好驚，原本諗住戴帽嚟防護，唔知會唔會有人掟嘢，不過原來去朗豪坊呢邊，應該唔會有事，呢邊都安全嘅！（如果畀多啲酬勞，敢唔敢去行人專用區？）唔關錢事，我好細膽，不過都呼籲各方朋友去捉掟腐蝕性液體嗰個人，快啲捉到呢個社會敗類！」

少爺占的Fans無懼危險前來撐場。

應昌佑（左起）、少爺占、李璨琛及陸永（右一）餵Ella食雪糕。

李璨琛撐子聰冇外遇

對於掟腐蝕性液體的狂徒仍未落網，李璨琛則說：「我公司喺旺角，所以成日都落旺角，但朝早好少行行人專用區。」此外，對於好友陳子聰被指有外遇而被老婆何超儀趕走，李璨琛力撐好友說：「唔係嘛！應該唔係真嘅，佢哋平時好恩愛，天生一對，子聰試吓有艷遇吖，耳仔都扭甩佢！」