16/06/2009

播放本新聞相關短片

小方親密照鎖入夾萬

方力申昨日與林莉為三洋攝錄機拍廣告，他自爆家中夾萬收藏不少私密照：「我慣咗記憶卡用完就鎖埋，從不借人。（啲相有鄧麗欣？）唔係，係同朋友影嘅，男女都有，仲有以前嘅女友。（Rainbow事件令你有陰影？）唔係，盡量避免啲相漏出去，男藝人同女藝人都要守身如玉，去沙灘影相都要着番件衫。」
小方見過鬼唔怕黑，與林莉身貼身自拍。
  • 小方見過鬼唔怕黑，與林莉身貼身自拍。

至於穿短裙的林莉不慎走光，她說：「我有打底，但最近瘦咗，Pat Pat都細埋。（進軍模界？）行騷啱我啲，依家雖然多口靚模，但競爭不嬲都大！（個個拋胸出位？）最緊要搵啱自己條路。」