日前逾百名梅窩居民手持橫額及手繫紅絲帶，到正生書院將進駐梅窩的諮詢大會上作出強烈抗議，反對「戒毒學校」遷入。容祖兒得悉此事感受很深，希望大家能給予一班願意重返正途的年輕人一個重生機會，她說：「雖然班年輕人曾經行差踏錯，但大家應該畀多啲機會佢哋改過自新，能夠重返正途，將來可以回饋社會。」

三百名梅窩居民出席諮詢大會，抗議正生書院遷入該區。 （資料圖片）	正生學生對梅窩居民的強烈反對感到無奈。（資料圖片）	祖兒希望梅窩居民能寬容對待決心改過的學生。 （資料圖片）

不介意與歌手齊打氣

對於有學生被罵「吸毒妹」，祖兒為她們大講好話：「班小朋友其實好善良，唔係乜嘢大奸大惡，佢哋只係一時貪玩，唔知吸毒後果咁嚴重先行咗歪路，依家班小朋友都識得回頭是岸，點解大人又唔畀機會佢哋呢！」祖兒表示明白居民感受，但亦相信正生學生是真心改過，故若有機會，她絕不介意與其他歌手與正生學生見面，為他們打氣。

鼓勵戒毒青年勿放棄

而古巨基亦有留意有關報道，更「幫口」為學生說話：「小朋友大部分都係好純良，希望街坊朋友畀個機會佢哋，投入正常社區讀書。（點樣解決居民反對聲音？）好明白居民嘅擔心，但希望佢哋可以攞個心出嚟睇，班小朋友雖然做過錯事，但佢哋都勇於面對傳媒，呢件係唔容易嘅事。見到佢哋被鬧到喊，覺得現實真係好殘酷，希望大家可以包容佢哋，畀佢哋重生機會。」基仔亦不忘鼓勵決心戒毒的年輕人：「希望佢哋遇到挫折唔好放棄，要疏遠壞朋友，真心真意改過。」